Psalm 131

		Canticum graduum.
131	1	Memento domine david, et omnis mansuetudinis eius :
131	2	Sicut iuravit domino, votum vovit deo iacob :
131	3	Si introiero in tabernaculum domus mee, si ascendero in lectum strati mei :
131	4	Si dedero somnum oculis meis, et palpebris meis dormitationem :
131	5	Et requiem temporibus meis : donec inveniam locum domino, tabernaculum deo iacob.
131	6	Ecce audivimus eam in ephrata : invenimus eam in campis silve.
131	7	Introibimus in tabernaculum eius : adorabimus in loco, ubi steterunt pedes eius.
131	8	Surge domine in requiem tuam, tu et arca sanctificationis tue.
131	9	Sacerdotes tui induantur iustitiam : et sancti tui exultent.
131	10	Propter david servum tuum, non avertas faciem Christi tui.
131	11	Iuravit dominus david veritatem et non frustrabitur eam : de fructu ventris tui ponam super sedem tuam.
131	12	Si custodierint filii tui testamentum meum, et testimonia mea hec, que docebo eos : Et filii eorum usque in seculum, sedebunt super sedem tuam.
131	13	Quoniam elegit dominus sion : elegit eam in habitationem sibi.
131	14	Hec requies mea in seculum seculi : hic habitabo quiniam elegi eam.
131	15	Viduam eius benedicens benedicam : pauperes eius saturabo panibus.
131	16	Sacerdotes eius induam salutari : et sancti eius exultatione exultabunt.
131	17	Illuc producam cornu cornu david, paravi lucernam Christo meo.
131	18	Inimicos eius induam confusione : super ipsum autem efflorebit sanctificatio mea.

Psalm 132

		Canticum graduum.
132	1	Ecce quam bonum, et quam iucundum habitare fratres in unum :
132	2	Sicut unguentum in capite, quod descendit in barbam, barbam aaron, Quod descendit in oram vestimenti eius :
132	3	sicut ros hermon, qui descendit in montem sion. Quoniam illic mandavit dominus benedictionem, et vitam usque in seculum.

Psalm 133

		Canticum graduum.
133	1	Ecce nunc benedicite dominum, omnes servi domini : Qui statis in domo domini, in atriis domus dei nostri,
133	2	In noctibus extollite manus vestras in sancta, et benedicite dominum.
133	3	Benedicat te dominus ex sion, qui fecit celum et terram.

Psalms 131-133 are the last of the Gradual Psalms. In the Hours of the Virgin are they often found at Compline (especially when the gradual psalms are beginning at prime with psalm 119).