Psalm 128

		Canticum graduum.
128	1	Sepe expugnaverunt me a iuventute mea, dicat nunc Israel.
128	2	Sepe expugnaverunt me a iuventute mea : etenim non potuerunt michi.
128	3	Supra dorsum meum fabricaverunt peccatores : prolongaverunt iniquitatem suam.
128	4	Dominus iustus concidit cervices peccatorum :
128	5	confundantur et convertantur retrorsum omnes qui oderunt Sion.
128	6	Fiant sicut fenum tectorum : quod priusquam evellatur, exaruit :
128	7	De quo non implevit manum suam qui metit, et sinum suum qui manipulos colligit.
128	8	Et non dixerunt qui preteribant : Benedictio Domini super vos : benediximus vobis in nomine Domini.

Psalm 129

		Canticum graduum.
129	1	De profundis clamavi ad te Domine :
129	2	Domine exaudi vocem meam. Fiant aures tue intendentes, in vocem deprecationis mee.
129	3	Si iniquitates observaveris Domine : Domine quis sustinebit.
129	4	Quia apud te propitiatio est : et propter legem tuam sustinui te Domine.
129	4b	Sustinui anima mea in verbo eius :
129	5	speravit anima mea in domino.
129	6	A custodia matutina usque ad noctem : sperat Israel in Domino.
129	7	Quia apud Dominum misericordia : et copiosa apud eum redemptio.
129	8	Et ipse redimet Israel, ex omnibus iniquitatibus eius.

Psalm 130

		Canticum graduum.
130	1	Domine non exaltatum cor meum : neque elati sunt oculi mei. Neque ambulavi in magnis : neque in mirabilibus super me.
130	2	Si non humiliter sentiebam : sed exaltavi animam meam : Sicut ablactatus est super matre sua, ita retributio in anima mea.
130	3	Speret Israel in Domino, ex hoc nunc et usque in seculum.

©CHD Erik Drigsdahl 1991-2001; Last update 24.09.2001