CHDCHD Tutorial on Books of Hours
Ecclesiasticus Cap. XXIV. 1-31 (Jesus Sirach)
Souces for Chapters in the Hours the Virgin
|CHD Guides| |Tutorial| |CHD Home|
In the Vulgata Clemetinae is the text called IN ECCLESIASTICUM . IESU . FILII SIRACH, a long text divided in 51 chapters. The particular use of chapter 24 in Marian liturgy was founded by the Church Fathers, in sermons and exegetical comments.
For identification of other Marian texts (Antiphons, versicles etc.), see also Canticum canticorum
    Ecclesiasticus Cap. XXIV (Jesus Sirach)
  1. Sapientia laudabit animam suam, et in Deo honorabitur,
    et in medio populi gloriabitur.
  2. et in ecclesiis altissimi aperiet os suum,
    et in conspectu virtutis illius gloriabitur,
  3. et in medio populi sui exaltabitur,
    et in plenitudine sancta admirabitur,
  4. et in multitudine electorum habebit laudem,
    et inter benedictos benedicitur, dicens:
  5. Ego ex ore altissimi prodivi
    primogenita ante omnem creaturam:
  6. Ego feci in caelis ut oriretur lumen indeficiens,
    et sicut nebula texi omnem terram:
  7. Ego in altissimis habitavi, et thronus meus
    in columna nubis.
  8. Gyrum caeli circuivi sola,
    et profundum abyssi penetravi,
    in fluctibus maris ambulavi,
  9. et in omni terra steti : et in omni populo,
  10. et in omni gente primatum habui:
  11. et omnium excellentium et humulium corda virtute calcavi:
    et in his omnibus requiem quesivi,
    et in hereditate Domini morabor.
  12. Tunc praecepit, et dixit mihi creator omnium:
    et qui creavit me, requievit in tabernaculo meo,
  13. et dixit mihi:
    In Jacob inhabita, et in Israel hereditare,
    et in electis meis mitte radices.
  14. Ab initio, et ante saecula creata sum,
    et usque ad futurum saeculum non desinam,
    et in habitatione sancta coram ipso ministravi.
  15. Et sic in Sion firmata sum,
    et in civitate sanctificata similiter requievi,
    et in Jerusalem potestas mea.
  16. Et radicavi in populo honorificato,
    et in parte Dei mei hereditas illius,
    et in plenitudine sanctorum detentio mea.
  17. Quasi cedrus exaltata sum in Libano,
    et quasi cypressus in monte Sion:
  18. Quasi palma exaltata sum in Cades,
    et quasi plantatio rosae in Jericho:
  19. Quasi oliva speciosa in campis,
    et quasi platanus exaltata sum juxta aquam in plateis.
  20. Sicut cinnamomum, et balsamum aromatizans odorem dedi:
    quasi myrrha electa dedi suavitatem odoris:
  21. et quasi storax, et gallianus, et ungula, et gutta,
    et quasi Libanus non incisus vaporavi habitationem meam,
    et quasi balsamum non mistum odor meus.
  22. Ego quasi terebinthus extendi ramos meos,
    et rami mei honoris et gratiae.
  23. Ego quasi vitis fructificavi suavitatem odoris:
    et flores mei fructus honoris et honestatis.
  24. Ego mater pulchrae dilectionis, et timoris,
    et agnitionis, et sanctae spei.
  25. In me gratia omnis viae et veritatis,
    in me omnis spes vitae et virtutis.
  26. Transite ad me omnes qui concupiscistis me,
    et a generationibus meis implemini:
  27. Spiritus enim meus super mel dulcis,
    et hereditas mea super mel et favum:
  28. Memoria mea in generationes saeculorum.
  29. Qui edunt me, adhuc esurient: et qui bibunt me, adhuc sitient.
  30. Qui audit me, non confundetur: et qui operantur in me, non peccabunt.
  31. Qui elucidant me, vitam eternam habebunt.
|Top of Page| |CHD Guides| |Tutorial|
©CHD Erik Drigsdahl 2001; Last modified 16.02.2005