Doulz dieu doulz pere (7 Requests)

CHD Tutorial on Books of Hours
Les sept requêtes à nostre seigneur
The seven requests to our Lord

This prayer was in a period in the 15th Century (combined with the "XV Joys of our Virgin"), an almost mandatory part of the last section in a French book of hours. Many are illustrated with a full-page miniature of the Trinity before this text.

Doulz dieu, doulz pere, sainte trinité, ung dieu, Biau sire dieu, ie vous requiers conseil et aide en lonneur et en remembrance de celui très haut conseil que vous preistes de vostre propre sapience, quant vous envoiastes vostre saint ange Gabriel à la virge Marie dire et annuncier le conseil et la nouvelle de nostre salut. Sire, si comme ce fu voir, regardes nous en pitié. Amen. Pater noster.
Biau sire dieu, regardes moy en pitié en lonneur et en remembrance de celui regard dont vous regardastes lumain lignaige quant vous envoiastes morir pour nous. Sire, si comme ce fu voir, regardes nous en pitié. Pater noster.
Biau sire dieu, regardes moy en pitié en lonneur de celui regart dont vous regardastes vos disciples quant vous deistes: Père des cieulx, gardes ceulx que vous m'aves donnez. Sire, si comme ce fu voir, regardes nous en pitié. Pater noster.
Biau sire dieu, ie vous requier que me regardes en pitié en lonneur de celuy regart dont vous regardastes vostre doulz filz, pour ce qui dist à ces disciples: Quelconque chose que vous demanderes à mon père en lonneur de moy, vous l'aures. Sire, si comme ce fu voir, regardes nous en pitié. Pater noster.
Biau sire dieu, regardes moy en pitié en lonneur de celuy regart dont vous regardastes les fames qui vous suyoient plorant quant vous porties la croix à vos espaules, et vous les deistez: Mes filles de Ihérusalem, ne ploures pas pour moy. Sire, si comme ce fu voir, regardes nous en pitié. Pater noster.
Biau sire dieu, regardes moy en pitié en lonneur et en la remembrance de celui regart dont nous regardastes saint Père l'apostre quant il vous renia .iii. fois en une nuit. Sire, si comme ce fu voir, regardes nous en pitié. Pater noster.
Biau sire dieu, regardes moy en pitié en lonneur et en la remambrance de celui regard dont vous regardastes vostre mère et vostre disciple en la grant tristesse de la mort que vous souffries pour nous. Sire, si comme ce fu voir, regardes nous en pitié. Pater noster.
Biau sire dieu, regardes moy en pitié en lonneur et en la remambrance de celui regart dont vous regardastes le larron en la croix quant il vous dist: Sire, remembres vous de moy quant vous vendres en vostre règne, et vous lui respondistez: Huy seras en paradis avec moy. Sire, si comme ce fu voir, regardes nous en pitié. Amen. Pater noster.

(Paris BN Ms.lat. 1156A fol.97. After V.Leroquais: Les Livres d'Heures manuscrits, II, 309-310). This text will later be supplemented with a pure transcription from one of the manuscripts in the Royal Library in Copenhagen.

Cf. also a Version from Rouen

|Tutorial| |CHD Home|